Jagoba Arrasateren taldeak ez zuen partida ona egin larunbat arratsaldean Madrilen jokatutako norgehiagokan. Horrela aitortu zuen ere Berriatuakoak. 8.minutuan aurreratu ziren Madrildarrak baina gorritxoek lehenengo zatiari besoak jeitsi gabe eutsi zioten. Atsedenalditik bueltan ordea bigarren gola jaso eta berehala noraezean aritu ziren Osasunako jokalariak eta nahieran aldiz Ancelottirenak. Gol festa madrilen eta soilik Sergio Herrerak 85.minutuan gelditutako penaltiak ekidin zuen bost eta hutsekoa.
Selekzioen partidetarako liga etenaldia dator orain eta Jagoba Arrasatek bi aste izanen ditu aurretik, urriaren 20an, Sadarren, Granadaren aurkako partida prestatzeko, etxean lehendabiziko garaipena lortzeko asmoarekin.
🎙️ PRENTSAURREKOA | Jagoba Arrasate: "Porrot mingarria da".#RealMadridOsasuna
— C. A. OSASUNA (@Osasuna_eus) October 7, 2023
Emakumezkoen taldeak ordea, berebiziko garrantzia duen garaipena lortu zuen Bartzelonan. Barçaren bigarren taldearen kotnrako partida bizia eta berdindua izan zen, baina 90.minutuan, partida bukatzear zela Alexia Jr-k egundoko gola sartu zuen gorritxoendako hiru puntuak lortuz. Garaipenarekin Osasuna laugarren postuan jarri da eta hasi da igoera postuengandik borrokan. Hurrengo partida Real Madriden kontrako bigarren taldearen kontra jokatuko dute.