Espainiako alderdi popularra gainerako alderdiekin izaten ari den bilera sortaren barruan kokatu da UPNrekin izan duen batzarra ere. Alberto Nuñez Feijooren inbestidura posible baten aurrean baiezkoa emanen diola berretsi dio Javier Esparza errejionalistak.
PPko presidenteak eskerrak eman dizkio Esparzari aurkez lezakeen bere inbestidura babesteagatik. Esparzak esan dituenen artean Kataluniako politikariei Pedro Sanchezek eskaini liezaiekeen amnistia "xantaia" dela Espainiarentzat eta badirela zenbait marra "gaindiezinak" direnak. Onartezintzat jo du Espainiako politika salerosketa etengabea izatea.
Hala, UPNk Espainiako gorteetan ordezkariak izatea zinez garrantzitsua dela adierazi dio Esparzak Feijoori, Nafarroaren ahotsa eramanen dutelako (diputatu bat eta senatari bat): "Nafarroaren errealitatea erakundeetara eramenen dugu, alegia Nafarroa foral eta espainiarrarena, hainbestetan zalantzan jarri duten hori", esan du Esparzak.
