Hamarkada bat baino gehiago pasa da jada Altsasun lehen Ospa Eguna antolatu zenetik. Garai hartan, umorea, kritika politikoa eta festa uztartzen ziren desmilitarizazioaren aldarria lau haizetara zabaltzeko. Espainiako poliziek eta Auzitegi Nazionalak jo puntuan izan zuten egun hori antolatzaileen aurkako auziak eta polizia operazioak eginez. Indar erakustaldi bortitzena, zalantzarik gabe, Altsasuko Auzia izan zen.
Antolatzaileek bideo bat zabaldu dute sare sozialetan jakinaraziz dute aurten ez dela Ospa Eguna eginen, baina gogoan izanda "gaurkotasun osoa izaten jarraitzen duen aldarria dela desmilitarizazioarena". Gaineratu dute, Euskal Herriaren erabakitzeko eskubideak ukatua eta zapaldua dirauen bitartean poliziek hemen segituko dutela, eta haatik, alde egitera gonbidatzen dituzte herri bezala burujabetzara salto egiteko".
Ospa Eguna! desmilitarizazioaren eskaera agenda politikoan kokatu duen eguna dela baieztatu eta bide horretan jarraitu behar dela nabarmendu dute.
