INE Espainiako Estatistika Institutuak aurreratutako datuen arabera, KPIa % 0,6 igo da uztailean Nafarroan eta urte arteko tasa % 2,4an kokatu da. Hego Euskal Herrian, prezioak duela urtebete baino %2,6 garestiago daude eta elikagaien garestitzea %10,1ekoa izan da.
Uztailean Nafarroan izandako prezioen inflazioa nagusiki aisialdian eta kulturan nabari da, Kontsumo Prezioen Indizea % 4,2 igo baita. Hotelak, kafetegiak eta jatetxeak % 3 igo dira, elikagaiak eta alkoholik gabeko edariak % 0,7, Garraioa % 0,6, Edari alkoholdunak eta tabakoa % 0,5, eta azkenik, etxebizitza % 0,3 igo da eta medikuntza % 0,1.
Azken hamabi hilabeteetako datuei erreparatuta, antzera, arlo berdinetan izan da nagusi inflazioa eta batez ere elikagaien, alkoholik gabeko edarien, aisia eta kulturaren, eta edari alkoholdunen eta tabakoaren prezioak igo dira, % 10 inguruko KPI igoera pairatuta.
Estatu mailan, KPIa ekainarekin alderatuta % 0,2 igo zen uztailean, eta urte arteko tasa % 0,4 igo zen, tasa %2,3raino igota; Erregaien prezioen igoera eta elikagaien garestitzea dela eta.
