Doneztebeko 30 urteko emakume bat hil da Huescako Montferrat mendian izandako istripu batean. Astelehen goizean, 11:00ak aldera poliziak mendizale baten deia jaso zuten, jakinaraziz bikotekidea Torlako Montferrat tontorretik erori zela, bestelako informaziorik jaso gabe. SOS Aragon larrialdi zerbitzuei alarma-deia helarazi zieten eta aireko unitatea zein osasun-unitatea berehala aktibatu zituzten. Ingurua airez begiratu ondoren ez zuten inor topatu laguntza eske eta mendi-espezialistak gerturatu ziren gailurrera.
Emakumea mendiaren hormaren oinarrian topatu zuten, mendizalearekiko 400 metroko desnibelean eta espezialistak garabi-zikloa erabilita jaitsi zirenean, emakumeak zituen lesioekin ezin zela bizirik egon aitortu zuten. Beharrezko baimen judizialak eskatu ondoren, gorpua jaso eta handik, hileta-zerbitzuek Huescako Ospitale Probintzialera eraman zuten.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!