Ekainaren 28an ospatzen den LGTBI+ Harrotasunaren Nazioarteko Eguna dela eta, Nafarroako Parlamentuak ortzadar-olana jarri du fatxada nagusian, berdintasuna, errespetua, aniztasuna, askatasuna eta sexu-orientazioagatiko eta genero-identitateagatiko diskriminaziorik eza aldarrikatzen dituen data nabarmentzeko.
Foru Parlamentuak bat egin du aurten ere Stonewalleko (1969) istiluak gogora ekartzen dituen ospakizunarekin; izan ere, New Yorkeko Greenwich auzoan gay komunitatea eta polizia aurrez aurre jarri zituzten.
Horrela, Nafarroako Parlamentuak "LGTBI+ pertsonen eskubide, askatasun eta ongizatearekiko eta sexu- eta genero-aniztasunaren inklusioarekiko konpromisoa berresten du", nabarmendu du ohar batean.
