Geroa Bai ez da joan asteazken honetan PSNrekin eta Zurekin Nafarroarekin M28ko foru hauteskundeen osteko foru gobernuaren negoziazioaz hitz egiteko ospatu duten bilerara. Bilera 16:30ean egitekoa zen, Nafarroako Parlamentuaren egoitzan. Orain arte bilerak aldebikoak izan dira, baina gaurkoan PSNk, Zurekin Nafarroak eta Geroa Baik zuten hitzordua.
Bertaratu diren lehenak PSNko ordezkariak izan dira. Maria Chivite PSNko idazkari nagusi eta presidentegaia, Ramon Alzorriz Antolakuntza idazkaria eta Ainhoa Unzu parlamentari hautetsia bertan izan dira. Ondoren, Zurekin Nafarroako ordezkariak iritsi dira, Begoña Alfaro, Parlamenturako zerrendaburua; Carlos Guzmán, bigarrena; eta Daniel López, hirugarrena. Geroa Baiko ordezkarien zain egon ondoren, bertaratu ez direla ikusita, PSNk eta Zurekin Nafarroak berriz ere aldebikoa izan den bilera hasi dute.
Begoña Alfaro Zurekin Nafarroako parlamenturako zerrendaburuak "harritu" direla adierazi du, baina zalantzarik ez du "egoera hau bideratu egingo dela eta normaltasunez lan egin ahal izango dugula. Uste baitugu hori espero dutela Nafarroako herritarrek ere, bere botoarekin Nafarroan etorkizuneko gobernu baterako aukera aurrerakoia babestu baitzuten".
PSNko Ramón Alzorrizek aldiz adierazi duenez "ez da atsegina" izan eta eragozpen fisikoren bat egon ez bada, azalpenak eman beharko dituztela nabarmendu du. Hala ere, sozialistek baieztatu dute gertakari honek ez dituela baldintzatuko Gobernua osatzeko gainerako negoziazioak, eta ostiral honetan koalizioa Foru Parlamentuko Lehendakaritzan ordezkatuko duen hautagaia bozkatuko dutela.
✅Compromiso de #GeroaBai con instituciones progresistas y plurales
— Geroa Bai (@geroabai) June 14, 2023
👉Abiertos a negociar un gobierno de estas características cuando se den las condiciones mínimas de confianza
👉Presentaremos la candidatura de @UnaiHualde a la Presidencia del @parlamentoNA
🗣️@PabloAzconaM pic.twitter.com/qYvfJE59gB
