Bel Pozueta soziologo eta sexologoa izanen da EH Bilduren Nafarroako zerrendaburua, uztailaren 23ko Espainiako Diputatuen Kongresurako hauteskundeetan.
Indar subiranistak duela lau urteko zerrendaburuak errepikatu nahi ditu. Atzo Donostiako egoitzan agerraldia egin zuten Bel Pozuetak berak, Arnaldo Otegik eta Mertxe Aizpurua, Oskar Matute, Jon Iñarritu, Iñaki Ruiz de Pinedo diputatuek eta Gorka Elejabarrieta eta Idurre Bideguren senatariek. Militantziak aste honetan bertan hautagaitzoi onespena ematea falta da.
