Lehen zati ona egin zuten gorritxoek, baina abaguneak bi areatan izan ziren. Golak bigarren zatiaren hasieran iritsi ziren Arrasateren gizonentzat. Biak ala biak Budimirrek sartuta. Lehenean, Kike Barjaren pase bikain baten ondotik. Bigarrenean, Moncayolak ber gauza eginda.
Nolanahi ere, norgehiagokaren azken txanpan sufritzea tokatu zen, 75. minutuan Reinierrek bi eta batekoa sartu baitzuen. "Sufrimendurik gabe, ez zen OSasuna izanen", azaldu zuen Jon Moncayolak, bikainki, norgehiagoka amaiturik.
Lehen zatian David Garcia lesionaturik, haren ordezko Juan Cruzek norgehiagoka ederra eginda, azkenean partida irabazi zuten gorritxoek. Hartara, we are back, erran nahi baita Osasuna Europara itzuli dela, denboraldi bikain batean. “Hemezortzi urte eta gero Kopako finala, hamasei urte eta gero Europa. Denon garaipena da, jokalariena eta zaleena. Oso egun berezia da Osasunarentzat”, azaldu zuen Jagoba Arrasatek.
jarraian Sadarren bertan egindako festan, hain justu Jagoba Arrasatek jaso zuen txalo zaparradarik handiena.