"Lehenengo kontaktu bat izan da, argi dago lan asko daukagula akordiora iristeko" azaldu du Uxue Barkosek bilera bukatuta, "Geroa Bairen asmoa argi ta garbi, gobernu aurrerakoi eta anitz bat sortzea da".
Abiatu dira Nafarroako Gobernua osatzeko negoziazioak
— Euskalerria Irratia (@fm983irratia) June 1, 2023
👉🏽Goizeko 9.30ean hasi da @PSNPSOE eta @geroabai ko kideen arteko bilera pic.twitter.com/ogthmHnsXx
Zentzu horretan, lehendabiziko mugarria ekainaren 16a izanen da, Parlamentua bildu eta mahaia osatuko den eguna. "Parlamentuko mahaiak, ganberaren aniztasuna erakutsi behar du eta Geroa Baik bere ordezkaritza balioan jarri nahi du negoziazio honetan eta kasu honetan Parlamentuaren mahaiaren presidentzia ordezkatuz" adierazi du Foru Ganberan bildutako kazetarien aurrean. Barkosek ez du argitu Unai Hualdek karguan errepikatuko duen edo ez, hori erabakitzeke baitago oraindik.
Duela 10 minutu hasi da aldiz @ContigoZurekin-ekin bilera pic.twitter.com/yVw3vtDLsy
— Euskalerria Irratia (@fm983irratia) June 1, 2023
Udalen osaketa ez da lehendabiziko bilera honetan mahai gainean izan, nahiz eta geroa Baik udal gobernu aurrerakoien osaketa, gobernuaren akordioarekine re lotu duen. Uxue Barkosek dena den, kezkaz begiratu dio Iruñean sortu den egoerari: "Egoera ez da batere txantxetakoa eta une honetan beste alde batera begiratzea udaletako mekanika politkoa erabiliz aterpe bezala, erantzunkizun eza benetan larria da":
