Radio Euskadin egin diote elkarrizketa Arnaldo Otegi EH Bilduko koordinatzaile nagusiari. Nafarroako Gobernuan Maria Txibite presidente izendatzeko abstentzioa emanen ote duten galdetuta, ez du halakorik ziurtatu: "Orain EH Bildu ez zaio batere gustatzen PSNri baina lau urtez izan da koalizioa aurrekontuak aurrera ateratzen eta bestelako akordioak erdiesten". Ulertezina eta sinestezina iruditzen zaio jarrera hori Otegiri. "Ez dugu utziko eskuinak goberna dezan, baina horrek EH Bilduri zigor publikoa ekarriko badio agian hori da bilatzen dabiltzana", esan du. Irizpide nagusitzta du EH Bilduk eskuinari ahalik eta aginte makila gutxien uztearena eta horrekin segituko dutela berretsi du Otegik.
Iruñeko Udalari begira jarrita Otegik ez du baztertu inola ere Joseba Asironen hautagaitza: "Ziurra da Asironek bere buruan aurkeztuko duela Iruñeko alkate izateko".