Nafarrek badute ohitura botikak birziklatzeko: herritarren %86ak badaki soberan geratu diren medikamentuak edo iraungiak daudenak farmazietan jasotzen dituztela gero modu egokian tratatzeko. 2022an 2021ean baino %5 gehiago birziklatu zen gai horiekin: nafar bakoitzak 133 gramo botika-ontzi huts edo soberakin eraman zituen farmaziara. Horiek instalazio berezietan tratatzen dituzte modu espezifikoan eta iaz %68 lortu zuten birziklatzea.
Botikak eta horien hondakinak ongi kudeatzea ezinbestekoa da ingurumenaren zaintzarako. Horregatik, ahalik eta gehien jo behar da halakoak bereiztera eta dagokien tokira eramatera.
