Foru eta udal hauteskunde kanpainaren bezperarako, mahai ingurua antolatu dute EUSKALERRIA IRRATIAK, Berriak, Martin Ugalde kultur parkeak eta Katakrakek, maiatzaren 28ko bozen giltzarriak aztertzeko asmoz eskuinaren zatiketaren ondorioak; PSNren, Geroa Bairen eta EH Bilduren arteko lehia, nor geratuko aurretik; kanpainari begirako alderdien arteko estrategiak; eta maiatzaren 29tik aurrerako agertoki politikoei begirako asmoak. Parlamentuan ez ezik, udal nagusietan ere asko egongo da jokoan, batik bat Iruñekoan.
Mahai ingurua maiatzaren 10ean izango da, asteazkenarekin, 19:00etan, Iruñeko Katakrak liburu dendan. Online ere jarraitu ahal izango da, bideo streaming-a eginen baitute Berria.eus eta Euskalerriairratia.eus atarietan. Parte hartzaileak honako hauek izanen dira:
- Juan Kruz Lakasta EUSKALERRIA IRRATIKO zuzendaria
- Amaia Alvarez NUPeko Zuzenbidearen Historiako irakaslea
- Ibai Fernandez ‘Diario de Noticias’ egunkariko kazetaria
- Joxerra Senar Berriako kazetaria
- Gidaria: Uxue Rey Berriako kazetaria
