Ekainaren 10ean Sorionekuak, euskararen aldeko ekimenak, antolatu duen manifestaziora deitzeko abestia grabatu dute hainbat musikarik eta pertsona ezagunek, tartean Porrotx bera, Olaia Intziarte, Anabel Arraiza edo Zuriñe Hidalgo, baina sorpresa gehiago egonen direla aurreratu dute.
Larunbatean mendi txangoa antolatu zuten, Porrotxekin batera, Irulegiko aztarnategi eta jauregira. Arangurengo Euskara Taldeko kideek Irulegiko historia azaldu zieten bertaratu ziren txikiei eta Porrotxekin batera dantza eta kantuan aritu ziren, Sorionekuak ekimenak prestatutako abestiarekin. Ostiralean aurkeztuko dute, grabatutako kantu eta bideklipa.
