Burua tente itzuli ahal izan dira Jagoba Arrasateren mutilak Kataluniako hiriburutik; izan ere, Barça ahalguztidunarekin parez-pare aritu dira lehian, 26. minutuan Hernandok txartel gorria ikusi duenetik hamar gizonekin jokatu arren, hasierako hamaikakoan Promesaseko hiru jokalari egonagatik ere: Herrando bera, Diego Moreno eta Iker Benito.
Defentsan erakustaldi latza egin dute, 85. minutuan Jordi Albak gola egin duen arte. Eta beste albiste on bat utzi du norgehiagokak: Lucas Torroren eta Chimy Avilaren berragerraldiak, lesioak gibelean utzirik.
Jagoba Arrasate haren taldeaz harro azaldu da kazetarien aurrera: “Harro taldeak egin duen lanarekin. Lan itzela egin dugu. Berriro erakutsi dugu lehiatzea zer den. Talde honek beti lehiatzen du. Gaur aukera gatza zen berez, eta hamarrekin geratuta are gehiago. Pena izan da bost minuturen faltan gola jasotzea. Ezin zaio gehiago eskatu. Zentzu horretan, harro taldeaz. Orain bai zapatua dugu buruan. Besterik ez dago. Errekuperatu behar dugu ondo, eta prest gaude larunbatean final on bat egiteko”.
