Nafarroan 6.400 langabe gehiago daude urteko lehen hiruhilekoan, aurreko hiruhilekoaren aldean, eta guztira 39.300 langabe daude, Espainiako Estatistika Institutuak ostegun honetan jakitera eman duenez. Langabezia-tasa % 12,13koa da.
Azken hamabi hilabeteetan, 5.700 langabe gehiago daude Nafarroan, %16,84. Langabetu guztietatik 20.100 gizonak dira, % 11,69ko langabezia-tasarekin, eta 19.300 emakumeak, % 12,63ko langabezia-tasarekin.
Okupazioari dagokionez, 284.800 pertsona okupatu daude Foru Erkidegoan, aurreko hiruhilekoan baino 8.200 gutxiago (%2,81) eta aurreko urtean baino 4.000 gutxiago (%1,37). Horietatik, 151.600 gizonak dira eta 133.200 emakumeak. Jarduera-tasa %58,78koa da (% 63,31koa gizonetan eta 54,40koa emakumeetan).
Estatuan 103.800 langabe gehiago izan dira urtarriletik martxora bitartean, hau da, aurreko hiruhilekoan baino % 3,4 gehiago. Okupazioa 11.100 lanpostutan murriztu da (%0,5), 2007tik lehen hiruhilekoan izan duen jaitsiera txikiena.
