1998an sortu zen Miguel Indurain Fundazioa eta hori gogoratzeko erakusketa ibiltaria eginen dute Nafarroan barna. Gaur aurkeztu dute Iruñeko Planetarioan 25 urte hauetan zehar bildutako erakundearen ekintzak eta babesten dituen kirolarien garaipen eta mugarri nagusiak errepasatzen dituen erakusketa.
Zenbait informazio panelek osatzen dute hau, fundazioari izena ematen dion txirrindulariaren Espada bizikletaren maketak eta bi bideo proiekziok osatuta.
Miguel Indurain Fundazioak Nafarroako eliteko kirola sustatzea eta ikustaraztea izan du helburu bere sorreratik, batez ere gutxiagotuak diren diziplinetan zein kirolariek babes edo egitura gutxiago dutenean haien inguruan.
Iruñeko erakusketa musteko ekitaldian izan dira Rebeca Esnaola Kirol kontseilaria eta Miguel Indurain txirrindulari ohia. Esnaolak azpimarratu du "Nafarroako kirola azkeneko mende laurdenean" ezin dela ulertu "Fundazioaren ekarpenik gabe, eta gobernuaren esku-hartze publikoak egonkortasuna" eman diola fundazioari "bestelako aurrera begirako proiektuei ekitea bermatuz".
Datozen asteetan izanen da Miguel Indurain Fundazioaren urteurrenaren erakusketa ikusgai Planetarioan, hurrengo geltokia Erriberri izanen da.