Heldu den astean irekiko den ikastetxeetako aurrematrikulazio kanpainari begira ohiko agerraldia egin du Nafarroako Ikastetxeetako Zuzendarien Elkarteak, NIZEk, D ereduan matrikulatzeko gonbitea luzatuta.
Ohi bezala sare sozialen bidez zabaltzeko bideoak osatu dituzte euskara ardatz duen hezkuntza ereduaren bertuteak azpimarratuz. Horietan Saioa Alkaiza bertsolaria, Jagoba Arrasate Osasunako entrenatzailea, eta D ereduko bi guraso azaltzen dira: Elizondoko ikastetxeko Majda Dyian Alimmouch eta Mendigorriko ikastetxeko Iñigo Lerga.
Garai bateko mugak eta hesiak gainditu diren arren, gaurkoan D ereduko zuzendariek zakua bete erronka dutela adierazi dute eta euskarazko hezkuntzaren doaiak azpimarratu.
Eskola publiko euskalduna, eskola parte-hartzailea dela adierazi dute herritar, herri eta eskualdeen errealitatera egokitzen dena.
D eredua euskal kultura eta balioen bermea dela adierazi dute. Gogoratu, heldu den astelehenean, martxoaren 6an hasiko dela aurrematrikulazio kanpaina eta ostiralean, hilak 10ean amaituko dela.