Grebara joko dute Osasunbideko LAB, SAE, ELA, UGT eta CCOO sindikatuek. Atzo bildu zen greba batzordea Osasun departamentuko ordezkariekin, baina ez ziren akordiora iritsi. "Osasun Sailak berretsi egin du negoziazioa galarazteko estrategia, eta beren proposamenen irakurketa huts bihurtu dute. Negoziaziorik ezak grebara deitzera bultzatu gaitu, legealdi osoan edukirik gabe utzi dituelako legezko negoziazio-mahaiak", adierazi dute.
Sindikatuek azaldu dutenez, departamentua ez dago prest lan-baldintzei buruzhitz egiteko, eta gai ekonomikoetan zentratu dute beren diskurtsoa. "Medikuen lan eta ekonomia baldintzez ere ez dute hitz egiten, eta batzorde honi zilegitasuna kentzen diote hilaren 15eko greba babesten ez dutenekin adostutako negoziazioen alde", deitoratu dute.
Gutxinenekoak, "gehiegizkoak"
Osasun Departamenduak ezarritako gutxieneko zerbitzuak salatu dituzte, halaber, sindikatuek. "Gehiegizkoak eta onartezinak" dira diote: "Protesta oro indargabetzeko estrategia garestian, legitimoak izanik ere".