Egungo egoera Nafarroako Gobernuaren ardura da EH Bilduren iritziz, "aldarrikapenak eta negoziazio bideak ez direlako behar bezala garatu". Departamentuan mahai gainean jarri duen proposamena egokia dela uste dute, eta hori onartzera deitu du Medikuen Sindikatu. Hala ere, argitasunez jokatzea eskatu dio gobernuari Bakartxo Ruizek.
Gobernuko kide diren Geroa Baik eta PSNk ere kezka agertu dute osasungintzaren egoerarekin. Baina ez diote toki beretik heldu gaiari. Aurreko legegintzaldian abiatutako bidea geldiarazi izana leporatu dio Geroa Baik alderdi sozialistari, eta proposatu dituzten epe motzeko neurriak garatzeko eskatu die Uxue Bakosek. Itxaron zerrendak murriztu edota lehen mailako arreta indartzea daude neurri horien artean.
PSNk, berriz, negoziazioari erreparatu dio. Akordioaren alde egitera deitu ditu aldeak: "Espero dugu aurki akordio batera iristea, osasun publikoaren mesederako".
Navarra Sumak, berriz, arazoak konpontzeko urratsik eman ez eta nafar osasungintzak zuen prestigioa kaltetu izana leporatu dio gobernuari. UPNk osasuna hobetzeko proposamenak landuko ditu aste amaieran.
