Hauteskundeak 2023

Uxue Barkos izanen da berriro Geroa Baiko presidentegaia

Geroa Bai ez dagoen erakundeetan eskuinak gobernatzen duela azpimarratu du Geroa Sozialberdeak-en eta EAJren koalizioak.

Atzo berretsi eta onetsi zituen Geroa Bai koalizioak foru eta udal hauteskundeetarako zerrendaburuak, Tres Reyes hotelean egindako ekitaldi politikoan. Uxue Barkosek ohartarazi du, "gehiengo aurrerakoi eta pluralik gabe, 2015ean eman zen aldaketa galtzetik oso gertu" izan daitekeela Nafarroa. Azken legegintzaldian, Geroa Bai mantentzea lortu duen erakundeetan aldaketa horri eutsi egin zaiola adierazi du. "Nafarroa subjektu politiko gisa aldarrikatzen jarraitzen dugu, eta ez beste interes batzuen objektu gisa".