23 eguneko greba mugagabearen ondoren, kirol kudeaketaren sektoreko grebaren jarraipen nagusia dago, inzidentzia handiarekin eta instalazio asko itxita. Sarriguren, Burlata, Olatz, Azkoien, Uharte, Caparroso, Sanduzelai, Mendillorriko trinketea, Zizur Nagusia Iturramako Civiboxa, NUP, Lagunak, Aranguren eta Berriobeitin, kirol apziegiturak itxita daude.
Pasa den astean lehendabiziko bilera izan zuten sindikatuek patronalarekin eta hurrengo egunean Nafarroako Udal eta Kontzejuen Federazioarekin. Horien ondorioz, atzo, azaroak 8, hiru aldeko bilera egin zen, patronala, Udalen ordezkari eta sindikatuekin. Patronalak bere proposamena hobetu duen arren, grebalarien ustez, erosteko ahalmena bermatzetik urrun dago oraindik. Duela hiru aste abiatu zen grebak hain zuzen, helburu hori zuen, KPIaren neurrirako soldata igoera bermatzea.
Sindikatuek gogoratu dute kirol azpiegituren kudeaketa esku pribatuen dagoen arren, udal zerbitzuak dira. Horregatik soldatak eta energia kostuen igoerak enpresek bere gain soilik har ez dezaten, udalen inplikazioa eskatu dute.
Grebalariek udalei greba errespetatzea eskatu diete, hainbat herrietan protesta eskubidearen gainetik egin dutelako agintariek, udaltzain eta beste udal langileak bideratuz kirol azpiegiturak irekitzera.