Duela bi aste ekin zioten protestei eta atzo bertan behera utzi zuten iragarritako greba. Pozik ziren, hasieran planteatu zituzten helburu guztiak bete dituztelako. Nafarroako Gobernuaren zerbitzu informatikoan azpikontratatuta dihardute Conasako 50 langileek. Azken plieguetan, dagoeneko kaxkarrak ziren lan baldintzak are gehiago okertuko lituzkeen estatu mailako lan hitzarmena ezarri nahi zuen exekutiboak, baina langileak grebara joateaz gain epaitegietara eraman zuten auzia. Kontratu Publikoetarako Administrazio epaitegiak arrazoia eman die.
ELAk Nafarroako Gobernua eta Comisiones obrerasen jarrera salatu dute, uneoro enpresariaren eta prekarizazioaren alde egin dutelako. Azken hausnarketa bat ere egin dute, gatazka laboral askoren aro honetan, greba egiteak, borrokatzeak, salaketak jartzeak…pena merezi du.