Nafarroako Unibertsitate Publikoak kirol inklusiboko topaketa bat hartuko du hilaren 12an. Miguel Indurain Fundazioko kirolariak ONCEko eta Aspaceko gaitasun anitzak dituzten kirolarien aurka lehiatuko dira, hiru diziplinatan.
Boccia, goalball eta eslalon-a gurpildun aulkian dira kirol-egokitua bultzatu eta ikusaraztea helburu duen jardunaldirako aukeratutako modalitateak.
Boccia kirol paralinpikoa da soilik, eta mugitzeko ezintasuna, garun-paralisia edo gurpil-aulkia duten pertsonentzat sortutako petankaren antzekoa. Bolak eskuarekin, oinarekin edo, kasu kaltetuenetan, kanaleta batekin jaurtitzen dira.
Miguel Indurain Fundazioko hamar bat kirolarik goalball-erako antifaza jantzi beharko dute, pertsona itsuentzako kirol paralinpiko esklusiboa. 18 metroko pista batean hiru pertsona ariko dira aurrez aurre, aurkako atean kriskitina duen baloi bat sartzeko.
Indurain fundazioak adierazi du datorren ikasturtean kanpaina bat bultzatuko dela Nafarroan kirolari berrien bila, oraindik kirol egokituak egiteko dauden aukerak eta klubak ezagutzen ez dituen jendea dagoelako.
Hitzordua larunbatak zortzi, azaroaren 12an eguerdian izanen da.
