"Erdizko bazkaleku komunalean okupazioa Magnari baimentzearen alde zaude?" galderari erantzungo diote azaroaren 20an baztandarrek. Baztango Batzar Nagusiaren galdeketa debekatu ondotik, herriz herri egitea erabaki dute alkateek.
Helburua "herritarren hitza aditzea" dela azaldu du, Euskalerria Irratian, Lekarozko zinpeko alkate Ernesto Pratek. "Gobernuak enpresaren eskaerari erantzunik eman baino lehen, baztandarren iritzia entzun dezala nahi dugu".
Herri bakoitzak egokien ikusten duen bezala antolatuko du galdeketa eta Almandoz izanen da parte hartuko ez duen herri bakarra.
