Irailaren hasieran iragarri zuten Navarra Sin Fronteras enpresaren itxiera. Azken bi urteetan 400.000 euroko diru galera izan dutela aipatu die sindikatuei enpresak, eta aurten 500.000 eurokoak aurre ikusten dituztela. Azalpenekin ez dago kontent, ordea, LAB sindikatua. Azken hiru bilerak ukatu dizkiote. Kontratu administratiboen lagapena negoziatzen ari da exekutiboa, eta horri buruzko informazio ukatu diote.
Enpresaren kontu ekonomikoak aztertu ditu sindikatuak. Bideragarria ez dela egiaztatu dute. Baina ez dute uste horrek itxiera justifikatzen duenik.
Egoera salatzeko elkarretaratzea egin du LABek, langileekin batera. Langile guztien lanpostuak bermatzeko eskatu dio sindikatuak Nafarroako Gobernuari. Gobernuak gizarte zerbitzuak bermatuko dituela ziurtatu du, baina LAB sindikatuak ohartarazi du “plantillaren zati bat ez dagoela pleguetara atxikita”. 129 lagunek egiten dute lan Navarra Sin Fronteras-en.
