Nafarroako Gobernuaren ekonomia eta enpresa garapenerako Mikel Irujo kontseilariaren hitzak bere egin ditu Nafarroako Parlamentuak. Siemens Gamesak 2.900 langile kaleratuko dituela iragarri ostean, kontseilariak ziurtatu du "lanpostu guztiak" babestuko dituela. Hori egiteko konpromisoa hartu du gaur Nafarroako Parlamentuak. Aho batez adierazpen instituzionala onartu dute parlamentuko taldeek. Testuaren bitartez, Europako Kontseiluari energia berriztagarrien industrian enkanteen sistema aldatzeko eta bertakoa babesteko eskatu diote.
Navarra Sumak, Geroa Baik, EH Bilduk, Ahal Duguk eta Ezkerrak aurkeztu dute adierazpena, batzordean; baiezkoarekin bat egin du PSNk.