Atzo ekin zion hauteskundeen bitarteko jardun politikoari EH Bilduk. Ekitaldian, lehen lerroan, Laura Aznal EH Bilduko parlamentari eta Nafarroako presidentegaia izan zen. Prezioen gorakadaren, interes tasa handien aurrean, etorkizuna kezkaz bizi du EH Bilduk. Neurri aringarriak ez ezik, egiturazkoak behar direla zehaztu du. "Krisi hau ezin dute familiek eta herri-sektoreek ordaindu, egiturazko erreformetan eragin behar dugu aberastasuna birbanatzeko, zerbitzu publikoak indartzeko eta jendearen eskubideak zabaltzeko, baita eraldaketa ekologikoan eta energetikoan aurrera egin".
➡️ Jendartearen ongizatea bermatzeko tresna gisa ulertzen dugu politika.@Laura_Aznal: «Etsipena zabaldu nahi dutenen aurrean, EH Bilduko gizon-emakumeok ez gara bizi dugun errealitatearekin konformatzen. Badaude alternatibak!». pic.twitter.com/B35ZWEV8Ud
— EH Bildu Nafarroa (@EHBilduNafarroa) September 7, 2022
Epe motzera Aznal prest agertu da Nafarroako Aurrekontuetan aditutako lehentasunei heltzeko. Izan ere, helburuak erdiesteko, akordioak ezinbestekoak ikusten ditu alderdi soberanistak, eta erabakitzeko eskubidean eta autogobernuan sakontzeko beharra azpimarratu ditu Aznalek. Euskal Herriaren barruko Nafarroa "burujabe" bat sustatzearen alde egin du.
EH Bilduren ikasturte politikoaren inaugurazio ekitaldian, Bakartxo Ruiz Nafarroako Parlamentuko bozeramaileak, Joseba Asiron Iruñeko alkategaiak, Bel Pozueta Kongresuko diputatuak eta parlamentari eta alkateek parte hartu zuten.
