Ikasturtea soldaten igoera batekin hasteaz gain, Carlos Gimeno kontseilariak nabarmendu duenez, “normaltasun osoz” hasiko da covid-ari dagokionez. Izan ere, ez dira prebentzio, higiene edo segurtasun neurri berezirik egongo.
Era berean, ez da kontingentzia-protokolorik egongo nahiz eta ikastetxeek aurrez-aurrekoa ez den arreta-plan bat izango duten prest erabili behar izatekotan. Hala ere, pandemia aurreko ikasturte bat espero da.
Normaltasun horren barruan, 3 eta 6 urte bitarteko ikasleen musukoa erabiltzearen foru agindua Osasun Departamentuak gaur bertan indargabatzea aurreikusten da eta beraz, musukoa edozein garraio publikoan, eskola-garraioan barne sei urtetik aurrera erabiltzen jarraitu behar dela.
Pandemiaren normaltasuna alde batera utzita, eskola-garraioaren nondik-norakoak oraindik ere datorren ikasturterako kezka dira Pirinioetako 17 familientzat. Hezkuntza Departamentuak gaur bertan bildu da familiekin institutuetara eta Lanbide Heziketako zentroetara garraio faltaren arazoari irtenbide emateko. Baina momentuz, ez dago aurrerapenik ikasturte honi begira.
