Kultura eta Kirol Departamentuak Next Generation funts europarretik jasotako 281.622,36 euro erabiliko ditu ikus-entzunezko sektorearen modernizazioa eta digitalizazioa bultzatzeko eta Nafarroako zinema-aretoetako titularrei zuzenduta dago.
Ekimen honen helburua berrikuntzako proiektuetan eta funtzionamendu digitalizatuko eta iraunkorreko proiektuetan inbertsioak ordaintzea da. Bestalde, publikoak sortzea eta fidelizatzea baita ikus-entzunezko kontsumo-ohitura berrietara egokitzen laguntzea da xede.
Laguntzak jaso nahi dituzten aretoek Zinematografia eta Ikus-entzunezko Arteen Institutuko Enpresa Zinematografikoen Administrazio Erregistroan izena emanda egon beharko dute deialdi hau argitaratu aurretik. Eskaerak irailaren 12ra arte aurkeztu ahal izango dira eta laguntzak bi urtetan emango dira; 2022an eta 2023an. Bi partida desberdinetan banatuko dira 97.650 eta 183.973 eurokoak hurrenez hurren, eta proiektuek lortutako puntuazioaren arabera emango dira. Eskainitako gehieneko zenbatekoa proiekzio-pantailen kopuruaren araberakoa izango da.
