Foruzaingoaren patruilek guztira 338 errekerimendu artatu dituzte asteburuan Nafarroan, 14 pertsona atxilotu dituzte eta beste 21i zigor-eginbideak ireki dizkiete. Herritarren arretarako bulegoetan 89 salaketa jaso dira. Gehien salatu diren delituak ebasketak (24), iruzurrak (16) eta kalteak (15) izan dira.
Atxilotuen atalean 14 pertsona atxilotu dituzte. Bost Iruñean, Sarrigurenen, Eguesen, Lizarran eta Alesbesen tratu txarren delituengatik, bi Lizarran sexu-abusu eta ebasketengatik, bi Ribaforadan larderiaz lapurtzeagatik eta beste bi Zizur Nagusian lesioengatik eta agintaritzaren agenteari desobedientzia eta erresistentzia egiteagatik.
Irurtzunen, gidari bat atxilotu zuten agintaritzaren agentearen aurkako atentatu-delitu bat egotzita, istripua izan eta ihes egin ondoren. 0,45 mg/l-tik gorako alkohol-tasarekin gidatzeagatik salatu zuten.
Foruzaingoa Tafallako jaietan hiru emakume gazteri egindako ziztadak ikertzen ari da. Emakume bat kalean ziztatu zuten, eta bi tabernetan. Hiru kaltetuek salaketa jarri dute Foruzaingoaren bulegoetan, eta Nafarroako Unibertsitate Ospitalera eraman zituzten, hainbat proba egiteko.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!