Lehenengo emanaldia gaur izanen da, ostegunarekin, 20: 30ean, Erronkarin. Ibil Bedi taldeak Beltxarga Beltza diskoa aurkeztuko du. GAur bertan, 22:00etan, Corellan Divertimento Folk taldearen kontzertua izanen da gozagai.
Bihar, ostiralarekin, Lekunberrin, Dance ikuskizuna izanen da gozagai, 20: 00etan. Larunbatean, hilak 13, 21: 00etan, Fiterok Pedro Iturralderen omenaldiaz gozatuko du. Iruña Jazz Quartet izango da protagonista, Nafarroako Gobernuak ohar batean zehaztu duenez.
Bestalde, Mikel Belaskoain artistaren Lilura erakusketak zabalik jarraitzen du Bertizko Jaurerriko Parke Naturaleko Lorategi Historiko-Artistikoan, abuztuaren 31ra arte.
"Pintura, eskultura, musika, argazkilaritza eta zinemako hamabost erakusketa-puntu dira, Bertizen naturarekin bat egiten dutenak eta kolorea, poesia bisuala eta magia ardatz dituztenak", erakusketaren arduradunek azaldu dutenez.