Foruzaingoak hogei bat salaketa jaso ditu azken hilabetean Nafarroako gaueko jai eta aisialdi lekuetan izandako "ziztadengatik". Nafarroako Gobernuko lehen presidenteorde eta Barne kontseilari Javier Remirezek adierazi duenez, "orain arte menpekotasun kimikoaren ebidentziarik izan ez dugun arren, ez dugu onartuko emakumeak beldurtzea, eta, beraz, zorrotzak izango gara jokabide horien aurrean".
Foruzaingoak Efe agentziari adierazi dionez, oraingoz hogei bat salaketa daude, gehienak emakume gazteenak, gaueko jai eta aisialdi lekuetan ziztada bat sentitu dutela diotenak, gehienak (14) Sanferminetan gertatutakoengatik, nahiz eta Lizarran eta Beran izan diren mota horretako erasoak.
"Nafarroako Osasun Zerbitzuak egindako analisi guztiek emaitza negatiboa izan dute sumisio psikikoarekin lotutako edozein substantziarekiko, eta biktimek ez dute eraso fisiko, sexual edo lapurretarik jasan, ezta saiakerarik ere", adierazi du Foruzaingoak.
Edonola ere, ziztada bat pairatuz gero 112 telefonora berehala deitzea eta haren aholkuak jarraitzea gomendatu dute, bai analisiak egiteko osasun-zentrora joateari dagokionez, bai biktima babesteari eta egileak identifikatzeari dagokionez ere.
Nafarroan hogei bat ziztada salatu dituzte
Sastada nabarituz gero berehala 112 telefonora deitzea gomendatu dute
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
