Behera egin du langabeziak azken hiruhilekoan

Euskalerria Irratia 2022ko uzt. 28a, 09:40

Apirilean baino 5.600 langabe gutxiago daude Nafarroan, INEren azken inkestaren arabera. 28.100 pertsona daude lanik gabe, erdia baino gehiago emakumeak.

Nafarroan 5.600 langabe gutxiago daude apiriletik ekainera bitartean, %16,56 aurreko hiruhilekoaren aldean. Guztira 28.100 langabe daude, Espainiako Estatistika Institutuak (INE) ostegun honetan argitaratutako Biztanleria Aktiboaren Inkestaren arabera.

Iazko hiruhileko beraren aldean, 4.500 langabe gutxiago daude Nafarroan, %13,81 gutxiago. Langabezia-tasa %8,76koa da.

Nafarroan zenbatutako 28.100 langabeetatik erdia baino gehiago, %53,38, emakumeak dira (15.000) eta %9,93ko langabezia tasa dute. 13.100 gizonak dira, %7,72ko langabezia-tasarekin.

Nafarroan 292.500 landun daude (156.700 gizon eta 135.800 emakume), aurreko hiruhilekoan baino 3.700 gehiago (%1,28) eta iazko hiruhileko berean baino 8.800 gehiago (%3,12). Jarduera-tasa %58,7 da (%63,27 gizonetan eta %54,28 emakumeetan).

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!