Lazaro Galarza Larraioz 67 urteko iheslari ohia Mexikon hil da, asteburuan. Etxerat erakundeak eman du albistearen berri. Lan istripuz zendu da. Garraiolari lanetan zebilela, zama gainera erori zitzaion.
1990ean egin zuen ihes Galarzak Euskal Herritik, Irunberriko arroilan Susana Arregi eta Jon Lizarralde hil ostean Guardia Zibila haren bila joan zenetik. 1994tik Mexikon bizi zen. Morelian atxilotu eta Mexiko hiriann kartzelaratu zuten, Espainiako Auzitegi Nazionalak horren estradizioa eskatu zuelako. Mexikok uko egin zion Baltasar Garzonen aginduari, eta aske segitzeko aukera izan zuen.
Aurtengo apirilean itzuli zen aurrenekoz Iruñera, bere aurkako auzibide guztiak preskribatuta zeudela jakin ondotik. Mexikora joan zen bueltan, baina Euskal Herrira behin betiko itzultzeko asmoarekin.
