Nafarroako Gobernuak Zaporedun Landa Merkataritza programa berria martxan jarri du. Proiektu hau Nafarroako landa-ingurunean kokatutako merkatariei zuzenduta dago, euren produktuaren edo zerbitzuaren balio diferentziala identifikatu, komunikatu eta zabaltzen laguntzeko helburuarekin. Asmoa da saltzaileek bertako bezero zein kanpotik etorritakoei (turistei) haien produktuak helarazten erraztea.
Parte hartuko duten saltokiei prestakuntza eta tutoretza-programa bat emango die, Garapen Ekonomiko eta Enpresarialeko Departamentuko Turismo, Merkataritza eta Kontsumo Zuzendaritza Nagusiak, Nafarroako Enpresen eta Berrikuntzaren Europako Zentroa (CEIN) sozietate publikoaren bidez. Bertan komunikazioa eta irudia lantzeko, posizionamendua bultzatzeko eta salmentak errazteko gakoak emango dizkiete.
Programak lehentasuna emango die, puntu honetan, biztanle gutxien dituzten eta merkataritza-sare txikiagoa duten herrietako saltokiei.
Zaporedun Landa Merkataritza uztailetik azarora bitartean garatuko da, eta izena eman nahi duten saltokiek gaurtik ekainaren 20ra bitartean egin dezakete, www.cein.es webgunean eskuragarri dagoen formularioaren bidez.
