Herritareek beren etorkizuna erabakitzeko giltza dutela irudikatuz, Nafarroa 21 ekimenean parte hartu zutenek, beren giltzak eskegi zituzten Sarasate pasealekuan. Foru hobekutnzaren 40.urteurrena dela eta, berriz ere, herritarren ahotsa entzutearen beharra aldarrikatu zuten taula gainetik
40 URTETAN Nafarroa asko aldatu da, gizartea asko aldatu da eta belaunaldi berriak gehitu zaizkio, autogobernua eta beren ahotsa entzunarazi nahi duen gizarteari
Izan ere, Foru Hobekuntzaren defendatzaile amorratuenentzat ere, balantzea ezin tamalgarriagoa da: Nafarroako Parlamentuak berak kalkulatzen du Espainiako gobernuak transferitu ez dituen transferentziak 30 baino gehiago direla, eta 17 dira espainiako alderdi politikoek edo Auzitegi Konstituzionalak errekurritu dituzten legeak, eta ez dirudi eraso horiek desagertuko direnik. Hortik urrun, Alderdi Popularrak eta Voxek helegitea jarri berri dute Nafarroako Parlamentuak Bizitzeko Gutxieneko Diru-sarrera kudeatzeko hartutako erabakiaren aurka.
Horregatik, Nafarroaren erabakiak eta autogobernua sendotuko duen estatus berria beharrezkotzat jo du plataformak. Alderdi, gizarte eragile eta herritarren artean adostua, eta nafarren bozkaz onartua.