Lehen bi sailkatuen arteko norgehiagoka zen atzo Sadarren jokatu zena. Lehen jokaldi arriskutsuak Espanyolenak izan ziren, baina ez zuten gol aukera argirik eragin. Ondoren, gorritxoak baloiaren jabetza bereganatzen hasi ziren. Lehen zatia Patri Zugastiren gol bikainarekin amaitu zen. Zelai erdian zegoela, Zugastik atezaina aurreratuta zegoela ikusi eta jartiketa bikain baten bitartez gainditu zuen. Osasuna, hartara, markagailuan aurretik jarrita joan zen atsedenaldira.
Bigarren zatian Kakun Maizen jokalariek oso argi zuten atzean txukun aritu behar zutela. Espanyol saiatu saiatu zen, baina behin eta berriz egin zuen talka nafarren harresiaren aurka. Gainera, kontraerasoen bitartez, gorritxoek zenbait gol aukera sortu zituzten. Gauzak horrela, Espanyol nahi eta ezinean aritu zen, 94. minutuan Miriamek bigarren gola sartu zuen arte.
Urrezko hiru puntu hauekin, Osasuna lider jarri da, Ligaren amaierarako hiru jardunaldi geratzen diren honetan. Lidergoari eusten badio, igoera lortuko du. Bere esku dago.
Espanyolen aurka garaipena lortuz, Osasuna lider jarri da, Liga amaierarako bi jardunaldi falta direlarik. Lidergoari eusten badio igoera lortuko du. 8.851 zale elkartu ziren Sadarren, garaipena zuzenean ikusteko.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
