Amaiurreko guduaren 500. urteurrena dela eta, "festa eta berrespen eguna" antolatu dute. “Prozesu subiranista propioa eta herrikoia eraikitzea" eskatuko du, "errepublika aske eta burujabe batera eramango gaituena, non dena erabaki ahal izanen den”.
Egunerokoa baldintzatzen duten erabakiak nork eta non hartzen diren azpimarratu nahi du ekimenak. Madril, Paris eta Brusela aipatu dituzte: "Osasun, hezkuntza edo kultura mota bat inposatzen digute" eta "krisi klimatikoari, elikadurari, krisi energetikoari edo migrazioari nafar gisa ematen dizkiegun erantzunak baldintzatzen dituzte", kritikatu dute.
