Sindikatuak ohar batean gogorarazi duenez, joan den martxoan otsailean baino 1.975 langabe gehiago izan ziren Euskal Autonomia Erkidegoan eta Nafarroako Foru Erkidegoan, eta guztira 151.483 langabe zeuden.
Halaber, igoera hori langileek "modu desberdinean" jasan dutela nabarmendu du; izan ere, "gazteak eta migratutako pertsonak izan dira batez bestekoaren gainetik hazi direnak", eta, gainera, emakumeak "gehiengoa dira langabezian", guztizkoaren %58.
Sindikatuak deitoratu duenez, datu horiek "enpleguaren eremuan gertatzen diren prekarietate-egoeren isla dira". "Gogoratu behar dugu enplegua sortzen den aldietan lehenbizikoa gazteen eta migratutako pertsonen enplegua dela, enplegu ezegonkorra eta prekarioa, eta langabeziak gora egiten duenean, kasu honetan bezala, kolektibo horiek dira bazterrean uzten diren lehenak", adierazi du.
Kontratazio mugagabea Hego Euskal Herrian %20 baino ez dela igo salatu du LABek
LABek agiri baten bitartez kritikatu duenez, kontratazio mugagabeak joan den hilabetean Hego Euskal Herrian gora egin du, baina indarrean dauden kontratu guztien %20 baino ez da izan, eta ohartarazi du lan-erreformak "aldi baterako kontratatuentzako muga bat ezarri badu ere, beste mota bateko ezegonkortasun-figurak zabaldu" dituela, aldizkako kontratu finkoak egiteko aukerarekin.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
