Twitter kontua itxi diote gaur Maiorga Ramirez EAko sektore kritikoko buru eta EH Bilduko parlamentariari. Asteburuan EAko kritiko Miren Aranoari kontua itxi ondoren gertatu da. Gaur berreskuratu du kontua Aranoak, eta "zentsura eta errepresioa" salatu ditu Nafarroako koordinatzailea zenak.
Oso larritzat jo du kontuaren ixtea: "Ordezkari publiko baten aurkako eraso zuzena da. Arnaldo Otegirekin bat nator herri zintzoa nahi dugula, demokraziak zintzoa izan behar duelako edo ez delako izango. Eta desadostasunaren zentsurak eta errepresioak ez dute laguntzen gure herriarentzat eta EH Bildu den etxe komun horrentzat nahi dugun dezentzia politiko horretan".
"Nire kontua berreskuratu berri dut, eta lehenengo gauza, eskerrak eman nahi dizkiet munduko bazter guztietatik elkartasuna helarazi didaten guztiei, adierazpen askatasunaren eta eztabaida demokratiko osasuntsua izateko eskubidearen defentsan", adierazi du Aranoak. "Zintzotasun demokratikoa, elkarrizketa eta kendutako eskubideak" eskatu ditu.