Arantxa Santesteban historiagile, zinemagile eta preso ohi txantrearraren 914 gau pelikula pantailaratuko dute gaur Ikuspuntu jaialdian. Bi emanaldi izanen dira: lehena, 10:00etan; bigarrena, 19:00etan. Biak Baluarteko Ganbera Aretoan eginen dituzte. Bigarrenean, proiekzioaren ondotik, solasaldia eginen dute Arantza Santestebanekin berarekin.
Santesteban 2007an atxilotu eta espetxeratu zuten, Segurako sarekadaren barruan. Jarraian, ia hiru urte eman zituen preso, 918 gau hain zuzen ere. Pelikulan preso politiko moduan bizi izan zuen espetxealdia eta espetxe ondoa kontatu nahi izan ditu, preso politikoarekin loturiko ohiko narratibetatik at, iruditeri berriak bilatuz bai formari bai mezuari begira.
