Haurren minbizia ikustarazteko Aquí y ahora filma proiektatuko dute gaur Golem Baiona zinemetan.
Tus Ojos 2030 Adano eta Aspanoa elkarteen laguntzaz eta hauek laguntzeko osatutako luzemetraiak gaitza jasaten duten haurrak ditu protagonista. Istorio bilduma da, minbizia diagnostikatzerakoan pizten diren emozioak jorratzen dituena.
Filmak nerabe eta gaztetxoengan eragin nahi du, minbiziaren existentzia normalizatzeko. Honekin batera ikerkuntzaren garrantzia azpimarratu nahi du. Aragoin eta Nafarroan grabatu dute, Iruñean eta Corellan.
Esan bezala gaur arratsaldean proiektatuko dute Golem Baionan eta heldu den astean Golem Morean izanen da ikusgai.
