Kritikoa da LAB sindikatua eragile ekonomiko eta politikoak biltzen dituen batzordearen funtzionamenduaren inguruan, zarata mediatikoa egiteko erabiltzen delakoan. Hala ere, gaur bilera deitu izana positiboa dela uste dute, proposamenak egiteko aukera izanen dutelako. Bi norabidetan eginen dituzte ekarpenak. Pandemiaren kudeaketa eta eroera aztertzeko bildu zen azken aldiz kontseilua, eta orduan sindikatuaren ekarpenei jaramonik egin ez zitzaiela salatu du Arroyok; eta hori aldatzea espero du.
Pandemiak utzitako egoera ezegonkorraren ondotik iritsi da krisi ekonomiko eta sozialaren gogortzea. Osasungintzako zerbitzuen kudeaketa aztertu du sindikatuak Osasungintza Hego Euskal Herrian. Eraldaketa baten beharra txostenean. "Kezkagarria da Nafarroako egoera", ohartarazi du Arroyok. Egoerari aurre egiteko inbertsio publiko handiagoa eskatu diote Nafarroako Gobernuari.