Administrazioko arreta, kartelak, liburuen hizkuntza...NUPeko Euskara Taldearekin elkarlanean, Nafarroako Unibertsitate Publikoan gertatzen diren hizkuntz urraketak bilduko ditu Behatokiak. Honela, NUPeko euskara planean indarra egin nahi dute ikasle eta hizkuntza eragileek.
Nafarroako Unibertsitate Publikoa euskalduntzeko lana ez da soilik hezkuntza eskaintzari mugatzen eta beste hainbat esparrutara ere ailegatzen da. Iruditegia, zerbitzuak, arreta, materiala… NUP euskaraz taldeak dei egin du hauek guztiak biltzera, txosten oso bat eratzeko.
#EzinDugu izenburua darama kanpainak eta sareetan erabiliko duten traola, NUPen euskaraz egin ezin diren ariketa, jarduerak zerrendatzeko. Hauek guztiak bildu eta Hizkuntza Eskubideen Behatokira bidaliko dituzte, gero Unibertsitateko euskara plana egiterako orduan kontutan har daitezen.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
