Espetxe-sistemaren arazo handienetako bati aurre egin nahi diote. Gaixotasun mentalen bat, patologia psikiatrikoren bat edo mendekotasun-nahasteren bat duten eta zigorrak eta segurtasun-neurriak betetzen dituzten pertsonen kopurua handia espetxeetan.
Nafarroako zigor-arloko prozedura judizialetan dauden edo espetxean zigorrak edo segurtasun-neurriak betetzen ari diren pertsona guztien osasun- eta gizarte-arreta egokia lortu nahi dute, epaia eman duen auzitegia edozein dela ere. Hala, lankidetza-protokolo honen helburua da, hain zuzen ere, operadore juridikoen eta sanitarioen arteko harremana koordinatzea, patologia psikiatriko horien arretak gaixotasunagatik delituak egin dituzten pertsonen berrerortzea murrizten lagun dezan.
Nafarroak berriki espetxe-osasunaren arloan dituen eskumenak bere gain hartu ditu, eta horren ondorioa da lankidetza protokoloa.
