Ikuspuntu jaialdiak ostegun honetan jarri ditu salgai jaialdiaren saio guztietarako sarrerak, www.puntodevistafestival.com webgunean.
Antolatzaileek ohar baten bidez jakinarazi dutenez, sarreren prezio orokorra 3 eurokoa izango da saio bakoitzeko, Oteiza Museoan martxoaren 19an (larunbata) egingo den programa bikoitza izan ezik.
"Aurten, gainera, uztartzearen aldeko apustua" eginen du jaialdiak, Ikuspuntu Ludotekaren sorrerarekin. Horrela, sei hilabete eta hamabi urte bitarteko haurrentzako gune bat izango dute, akreditatutako pertsonek eta publiko orokorrak martxoaren 17, 18 eta 19an erabili ahal izateko. Plazak erreserbatzeko aukera dagoeneko eskuragarri dago webgunean.
Astebetez, Ikuspuntu jaialdiak "nazioarteko ikus-entzunezko komunitatearen epizentro" bihurtuko da hainbat egoitzatan: Baluarten, Golem zinemetan, Oteiza Museoan, Nafarroako Filmategian, Civivox Condestable eta Katakraken. Filmen proiekzioak, zinegileekin topaketak, performanceak, haurrentzako zinema dokumentaleko saioak edo Sail Ofiziala uztartuko dira egoitza horietan guztietan.
