PPk sortutako krisiak Ana Beltran Nafarroako jarduera politikoaren lehen lerrora itzultzeko aukerak alarmak piztu ditu alderdiaren zati batean. Beltran PPko Antolakuntza idazkariordea eta Madrilgo diputatua da, eta 2017tik PPNko buru da. Casadoren alde lerrokatu da krisian, eta Jaime Ignacio del Burgo diputatu ohi popularrak Nafarroako presidentetza uzteko eskatu dio. Alderdiaren estatutuak urratzea ere leporatu dio politikari ohiak Beltrani.
Beltranek dio ez duela kargua utziko. Alderdiak datozen hilabeteetan eginen du Nafarroan kongresua.
