Navarra Sumak atzera egin du. Bizikidetza Planaren eztabaidan ez zuela parte hartuko hitz eman zuen, “ezker abertzalearen zuriketa operazio bat zelakoan. Orain, baina, jarrera aldatu du. Baina baldintza bat jarrita: planak terrorismoaren eta ETAren gaitzespen argi eta zehatz bat egitea.
EH Bildurekin hitzarmenik ez
Gauzak horrela, Navarra Sumak “hamar edo hamaika” erresoluzio proposamen aurkeztuko ditu. Horietako batzuek eztabaida handia eragin dezakete. Esate baterako, Esparzak nahi du planak finkatzea EH Biludurekin hitzarmenik ezin dela egin. Beste proposamen bat da tokiko entitateek terrorismoaren goresmenen berri eman behar izatea. Memoria historikoari dagokionez, Esparzak 36an apaizek eta eskuineko herritarrek gobernu errepublikazaleen aldekoen eskutik jaso zuten errepresioaren aitortza egitea nahi du.
