Joan den ikasturtean TXAC PLANETekin lanean hasi ziren 635 ikasleei Nafarroako 4 ikastoletako beste 100 ikasle gehitu zaizkie ikasturte honetan. Ume guzti hauek hizkuntza konputazionala eta programazio hizkuntza ikasgeletan ikasiko dute TXAC PLANET ereduari esker. Etorkizunerako baliagarriak izanen zaizkien ezagutzak jasoko dituzte, Eider Caraciolo GAIA Klusterreko kideak azaldu duenez.
Egitasmo honen helburua lehen eta bigarren hezkuntzako ikasleek trebetasun konputazionalak eskuratzea eta programazio hizkuntza lantzea eta horretara ohitzea da, arazoak konponduz eta prozesuak sortuz, XXI. Mendeko hizkuntzara egokitutako gaitasun digital berriak eskura ditzaten.
Nafarroako ikastoletan bi arrazoirengatik ezarri dute proiektua. Nafarroako Ikastolen elkarteko arduradun pedagokia da Irene Lopez Goñik azaldu ditu: "Lankidetza eta genero ikuspegia".
TXAC PLANETek ikus-entzunezko 45 kapitulu eta ariketa eta tutorial ugari dituen doako plataforma telematikoa biltzen ditu, euskaraz garatutako ikaskuntza eta kreatibitateko ingurune ludiko batean. Aquitania-Euskadi-Nafarroa euroeskualdearen laguntzarekin, GAIA Klusterrak, Nafarroako Ikastolen Elkarteak (NIE), Kanaldudek eta Azaroa Filmsek osatzen dute.
Txac Planet proiektura batu dira bigarrenez Nafarroako ikastolak
Emakume eta Neska Zientzialarien Nazioarteko Egunarekin batera, Nafarroako Ikastolen Elkarteak Txac Planet iniziatibaren edizio berria aurkeztu du. Transmedia metodoa Tuteran, Zangozan, Beran eta Vianan kokatutako Nafarroako lau ikastolatan ezarriko dute.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
